У Берасьцейскім абласным судзе з 28 лістапада разглядаюць новую крымінальную справу супраць былога палітвязьня Аляксандра Плескацэвіча.
Яго абвінавачваюць у нанясеньні бел-чырвона-белай сымболікі на вокны і рог фасаду дому паводле ч. 1 арт. 130-1 («Рэабілітацыя нацызму») і ч. 2 арт. 339 («Хуліганства») КК. Раней Плескацэвіча пакаралі 2 гадамі абмежаваньня волі з накіраваньнем у папраўчую ўстанову адкрытага тыпу за бел-чырвона-белыя надпісы і прызнаньне ў любові да Сьвятланы Ціханоўскай (арт. 339 КК).
Па артыкуле 130-1 яму пагражае да 5 год турмы.
