Ужо сёньня: Вільню і частку Віленскай вобласьці БССР перадалі Літве

Дата дня

10 кастрычніка 1939 году была падпісаная дамова паміж СССР і Літвой, паводле якой Літве адышлі Вільня і Віленская вобласьць.

Таксама ў гэты дзень

1577 — Магілёў і Мазыр атрымалі Магдэбурскае права.

2006 – пачала працу сацыяльная сетка «ЎКантакце».

2007 – брытанскі гурт Radiohead апублікаваў у інтэрнэце альбом «In Rainbows». Упершыню ў гісторыі музычны альбом можна было спампаваць за грошы, прычым суму плацяжу кожны чалавек вызначаў самастойна.

2015 – адбыўся тэракт у турэцкай Анкары. Паводле афіцыйных дадзеных, загінулі 102 чалавекі.

У гэты дзень нарадзіліся

1796 — Міхал Без-Карніловіч, беларускі гісторык, этнограф, вайсковы тапограф, генэрал-маёр.

1813 — Джузэпэ Вэрдзі, італьянскі кампазытар.

1930 — Гаральд Пінтэр, брытанскі драматург, ляўрэат Нобэлеўскай прэміі ў галіне літаратуры 2005 году.

1957 — Леанід Дранько-Майсюк, беларускі паэт.

У памяці

1640 — памёр Мікалай Трызна, дзяржаўны дзеяч Вялікага Княства Літоўскага.

1783 — памёр Людвік Грынцэвіч, беларускі архітэктар эпохі позьняга барока.

1833 — памёр Міхал Клеафас Агінскі, дзяржаўны дзеяч Рэчы Паспалітай, дыплямат, кампазытар.

1938— у ГУЛагу памёр Адам Бабарэка, беларускі пісьменьнік і літаратуразнаўца. Бабарэка распрацоўваў пытаньні літаратуразнаўства і эстэтыкі, дасьледаваў літаратурны працэс. Шэраг працаў прысьвяціў творчасьці Я. Коласа, М. Багдановіча, У. Дубоўкі, М. Чарота, З. Бядулі і іншых беларускіх пісьменьнікаў.