Суд Ленінскага раёна Менска прызнаў кантэнт гэтага канала «экстрэмісцкімі матэрыяламі» яшчэ 13 ліпеня 2021 года. Цяпер на яго падпісана каля 560 чалавек, але ніводнага паведамленьня не апублікавана. У апісаньні гаворыцца, што гэта група для жыхароў Серабранкі (мікрараён на паўднёвым усходзе Менска), створаная для абмеркаваньня падзей у Беларусі і «абмену меркаваньнямі і навінамі».
Сёлета ў сярэдзіне сакавіка стала вядома, што ГУБАЗіК затрымаў 26-гадовага ўраджэнца Рагачова Арцёма Караткевіча, якому інкрымінуюць адміністраваньне згаданага канала. Некалькі гадоў таму малады чалавек пераехаў у Менск, да затрыманьня працаваў афіцыянтам.
