Пракуратура Ніжагародзкай вобласьці Расеі пачала праверку па факце пажару на прамысловым прадпрыемстве ў Кстоўскім раёне Ніжагародзкай вобласьці.
«Папярэдне, сёньня, 7 лютага, у Кстоўскім раёне па адрасе Шасэ Цэнтральнае, 9 на нафтаперапрацоўчым заводзе адбыўся пажар», — цытуе расейскае агенцтва «Інтэрфакс» паведамленьне пракуратуры.
На адным з прадпрыемстваў «ЛУКОЙЛ» у Ніжагародзкай вобласьці агенцтву пацьвердзілі факт пажару.
У абласным упраўленьні Міністэрства надзвычайных сытуацый Расеі журналістам паведамілі, што «падразьдзяленьні выехалі ў прамысловую зону Кстова».
Гэта другі пажар на Ніжагародзкім НПЗ за апошні час. Першы адбыўся ў жніўні 2022 году.
