Удзельнікі сабраліся, у прыватнасьці, каля дыпляматычных установаў Расеі, патрабуючы прызнаць яе дзяржавай – спонсарам тэрарызму, а таксама ўзмацніць вайсковую падтрымку Ўзброеных сілаў Украіны.
Каля расейскай амбасады ў Варшаве сабраліся сотні людзей. Яны патрабавалі, у тым ліку, выслаць расейскіх дыпляматаў.
Падобныя акцыі прайшлі і ў Рыме, Скоп’і, Вене і Празе. У сталіцы Латвіі Рызе да мітынгу, арганізаванага ўкраінскай грамадой, далучыўся амбасадар Украіны Аляксандар Мішчанка.
На акцыю ў Тбілісі дзяўчына выйшла з плякатам «У 1992-м мае бацькі пакінулі Абхазію і пераехалі ва Ўкраіну. Расея зруйнавала іх жыцьцё двойчы».
Акрамя таго, каля 20 чалавек сабраліся каля расейскай амбасады ў Бялградзе, сталіцы Сэрбіі, дзе пашыраныя прарасейскія настроі.
Дэманстрацыі прайшлі таксама ў гарадах Канады — Манрэалі і Атаве.
