Паводле агенцтва Reuters, у складзе экіпажу два амэрыканскія астранаўты і адзін японскі, а таксама расейскі касманаўт.
Ракета-носьбіт SpaceX, якая складаецца з ракеты Falcon 9 з капсулы Crew Dragon, якая атрымала назву Endurance, стартуе апоўдні паводле ўсходняга паяснога часу (18:00 па Менску) з Касьмічнага цэнтру NASA імя Кэнэдзі на мысе Канавэрэл у Флорыдзе.
Экіпаж павінен прыбыць на Міжнародную касьмічную станцыю (МКС) прыкладна праз 29 гадзін у чацьвер увечары, каб пачаць 150-дзённую навуковую місію на борце арбітальнай лябараторыі на вышыні каля 420 км. над Зямлёй.
Місія, якая атрымала назву Crew-5 — пяты паўнавартасны экіпаж МКС, які NASA адпраўляе на борце карабля SpaceX з тых часоў, як прыватнае ракетнае прадпрыемства, заснаванае уладальнікам Tesla Іланам Маскам, пачало адпраўляць амэрыканскіх астранаўтаў у космас у траўні 2020 году.
Новую каманду ўзначальвае Ніколь Аўнапу Ман, баявы лётчык-ветэран, якая ўвайшла ў гісторыю касьмічных палётаў як першая жанчына зь ліку карэннага насельніцтва, адпраўленая на арбіту NASA, і першая жанчына, якая заняла месца камандзіра карабля SpaceX Crew Dragon. Як зарэгістраваны член племені індзейцаў Раўнд-Вэлі Вайлакі, Ман стане першай індзейскай жанчынай, якая паляціць у космас. Адзіным карэнным амэрыканцам, запушчаным на арбіту, быў Джон Хэрынгтан у 2002 годзе.
Місія Crew-5 таксама адметная ўдзелам 38-гадовай Ганны Кікінай, адзінай жанчыны-касманаўта, якая знаходзіцца на сапраўднай службе ў расейскім касьмічным агенцтве «Раскосмас», і адзінай расейкай, якая яшчэ не лятала на борце амэрыканскага касьмічнага карабля на фоне глябальнай нестабільнасьці з прычыны войны ва Ўкраіне. Кікіна стане толькі пятай расейкай, адпраўленай у космас у складзе атраду касманаўтаў, у якім гістарычна дамінавалі мужчыны. Апошні расейскі касманаўт адпраўляўся на арбіту ў 2002 годзе на касьмічным караблі NASA.
Яшчэ адзін астранаўт NASA, які робіць свой першы палёт, Джош Касада, 49 гадоў, лётчык ВМС ЗША і лётчык-выпрабавальнік з доктарскай ступеньню ў галіне фізыкі часьціц высокіх энэргій.
Завяршае каманду вопытны астранаўт японскага касьмічнага агенцтва JAXA Каіці Ваката, 59 гадоў, экспэрт у робататэхніцы, які робіць свой пяты палёт у космас.
