Штогадовы рэйтынг складае Economist Intelligence Unit (EIU) — аналітычнае падразьдзяленьне брытанскага часопіса The Economist. Раней Вена ўзначальвала гэты сьпіс у 2018 і 2019 гадах. Гэткай прывабнай Вену робяць стабільныя ўмовы, добрая інфраструктура і сыстэма аховы здароўя, а таксама мноства магчымасьцяў у сфэры культуры і вольнага часу.
Згодна з рэйтынгам EIU, другое месца сярод самых зручных гарадоў займае сталіца Даніі Капэнгаген, а на трэцім — швайцарскі горад Цюрых.
Раней, у сьнежні 2021 году, ізраільскі мэгаполіс Тэль-Авіў быў прызнаны самым дарагім горадам сьвету па выніках дасьледаваньня EIU, які параўноўваў кошт жыцьця ў 173 гарадах плянэты. Другое месца ў гэтым рэйтынгу падзялілі Парыж і Сынгапур, трэцяга месца не было, а на чацьвёртым апынуўся швайцарскі Цюрых.
Менск або іншыя беларускія гарады ў дасьледаваньні не фігуруе.
