Цяпер, калі дэпутат захоча выехаць за мяжу, ён павінен падаць Васільеву заяву, указаўшы краіну, мэту і тэрміны выезду. У дакумэнце падкрэсьліваецца, што абмежаваньні не распаўсюджваюцца на службовыя камандзіроўкі. У дакумэнце не гаворыцца аб адказнасьці дэпутатаў за парушэньне правіла.
Як піша ў сераду амэрыканскае выданьне Wall Street Journal, адміністрацыя ЗША рыхтуе новыя санкцыі ў дачыненьні да большасьці дэпутатаў Дзярждумы Расеі.
Па словах крыніцы выданыя, пад абмежаваньні амэрыканскіх уладаў могуць патрапіць больш за 300 дэпутатаў. Чакаецца, што аб новых санкцыях будзе аб’яўлена ў чацьвер, падчас маючага адбыцца візыту прэзыдэнта ЗША Джо Байдэна ў Эўропу.
Раней Эўразьвяз увёў санкцыі ў дачыненьні да 351 дэпутата Дзярждумы, якія прагаласавалі за заклік да Пуціна прызнаць незалежнасьць «ЛНР» і «ДНР», што прывяло да ўзброенага ўварваньня ва Ўкраіну. Потым да гэтых санкцый далучылася Вялікая Брытанія.
