«Роскомнадзор» запатрабаваў адмяніць абмежаваньні адносна некалькіх расейскіх СМІ, у тым ліку дзяржаўнага агенцтва РИА «Новости», тэлеканалу міністэрства абароны «Звезда», «Ленты.ру» і «Газеты.ру», а таксама растлумачыць прычыну абмежаваньняў. Але сацыяльная сетка праігнаравала гэтыя патрабаваньні, сьцьвярджаецца ў прэс-рэлізе рэгулятара.
У выніку Генпракуратура Расеі па ўзгадненьні з МЗС прызнала сацыяльную сетку датычнай «да парушэньня асноўных правоў і свабод чалавека і грамадзян Расеі». Закон, які дае магчымасьць блякаваць замежныя сайты за такое, быў распрацаваны ў канцы 2020 году.
