Пра тое, што ў Менску колькасьць хворых са штамам «Омікрон» складае ўжо 80% ад агульнай лічбы людзей з каранавірусным дыягназам, паведаміла галоўны доктар Менскага гарадзкога цэнтру гігіены і эпідэміялёгіі Сьвятлана Ярмак, піша агенцтва «Минск-Новости».
«Калі ў пакоі знаходзяцца 20 чалавек і зь іх адзін хворы, то больш за палову праз пару дзён дакладна захварэюць», — адзначыла Ярмак.
«Омікрон» — новая ітэрацыя каранавірусу, упершыню ідэнтыфікаваная ў Батсване і Паўднёвай Афрыцы. Яна выклікала занепакоенасьць навукоўцаў і службовых асоб аховы здароўя з прычыны незвычайна вялікай колькасьці мутацый (каля 50), якія могуць зрабіць вірус больш перадаваным і менш успрымальным да існых вакцынаў. Сусьветная арганізацыя аховы здароўя папярэдзіла, што глябальныя рызыкі, зьвязаныя зь ім, «вельмі высокія».
