Паведамляецца, што прэзыдэнт Джо Байдэн падпіша выканаўчы дэкрэт, скіраваны супраць Лукашэнкі, у сувязі з «рэпрэсіямі супраць дэмакратычных памкненьняў і правоў чалавека беларускага народу, транснацыянальнымі рэпрэсіямі... і карупцыяй».
Санкцыі, якія будуць уведзеныя Міністэрствам фінансаў ЗША ў панядзелак, будуць прымеркаваныя да гадавіны выбараў, якія амэрыканскі чыноўнік ахарактарызаваў як сфальшаваныя.
«Ад таго часу рэжым толькі яшчэ больш узмацніў свае рэпрэсіі, у тым ліку пагражаючы бясьпецы алімпійскай спартоўкі па-за межамі сваёй краіны», — сказаў амэрыканскі чыноўнік.
«Сёньняшнім актам прэзыдэнт Байдэн выконвае сваё абяцаньне прыцягнуць да адказнасьці беларускі рэжым за яго злоўжываньні».
Новыя санкцыі накіраваныя на асноўныя інстытуты і прыхільнікаў Лукашэнкі, у тым ліку на Беларускі нацыянальны алімпійскі камітэт, кіраўнікоў прадпрыемстваў і кампаній, такіх як прыватны беларускі банк.
У сьпісе таксама — ААТ «Беларуськалій», адно з найбуйнейшых дзяржаўных прадпрыемстваў Беларусі і адзін з найбуйнейшых у сьвеце вытворцаў калійнай солі. Мяркуецца, што гэта крыніца незаконнага ўзбагачэньня рэжыму.
ЗША абвінавацілі Нацыянальны алімпійскі камітэт у спрыяньні адмываньню грошай, ухіленьню ад санкцый і абыходу візавых санкцый.
Што варта ведаць пра санкцыі ЗША
