Пра гэта паведамляе «Голас Амэрыкі», адзначаючы, што здарэньне адбылося недалёка так званага Францускага кварталу гораду.
«Пасьля прыбыцьця паліцыянты выявілі пяць ахвяраў з агнястрэльнымі раненьнямі, — паведаміў у прэс-рэлізе дэпартамэнт паліцыі Новага Арлеану. — Усе пяць чалавек былі дастаўлены ў шпіталь, дзе адзін зь іх памёр».
«Пазьней паліцыянты даведаліся, што яшчэ двое пацярпелых ад агнястрэльных раненьняў былі дастаўлены ў шпіталь на прыватным транспарце. Агулам у гэтым інцыдэнце пацярпелі сем чалавек», — гаворыцца далей у прэс-рэлізе.
Прадстаўнікі ўладаў паведамілі, што сьледчыя вядуць збор доказаў і інфармацыі, каб устанавіць асобу і матывы падазраванага.
