Вернікі разам з пробашчам парафіі ксяндзом канонікам Юрыем Санько высадзілі алею з сотні кустоў бэзу. Паводле Catholic.by, колькасьць кустоў прыблізна роўная колькасьці лекараў, якія аддалі жыцьцё ў час барацьбы з пандэміяй.
У парафіі дадаюць, што моляцца за памерлых мэдыкаў і спадзяюцца, што алея дапаможа захаваць памяць пра тых, хто выратаваў тысячы жыцьцяў цаной уласнага жыцьця.
Сьвяты Рох, імя якога носіць касьцёл, лічыцца апекуном хворых, лекараў і шпіталёў.
