Па ўсім праспэкце Незалежнасьці пачаліся затрыманьні
Відавочцы паведамляюць пра затрыманьні некалькіх чалавек у раёне Кастрычніцкай плошчы і ў раёне ГУМу.
У раёне цырка затрымалі дзяўчыну за бел-чырвона-белае адзеньне.
Таксама паведамляюць пра затрыманьне ў раёне ЦУМу.
Каля Акадэміі навук затрымалі некалькі чалавек.
У раёне плошчы Перамогі сілавікі спрабуюць затрымаць мужчыну, ён ад іх уцякае.
Чытачы «Белсату» паведамляюць, што каля гатэлю «Менск» спыніліся некалькі мікрааўтабусаў. Выбеглі людзі ў чорным, паспрабавалі дагнаць мужчыну, але ён уцёк.
Працягваюцца затрыманьні ў Гомлі
У Гомлі затрымалі мясцовых актывістаў Ільлю Міронава ды Ігара Краўчанку. Краўчанка нядаўна адседзеў за кратамі месяц за фота зь бел-чырвона-белым сьцягам.
Спэцтэхніка на Дзень Волі ў Менску. Відэа
У неба над Менскам запусьцілі нацыянальны сьцяг
У цэнтры Менску кіроўцы спыняюцца і сыгналяць
У раёне Акадэміі Навук перакрылі праезд.
Аўтамабілісты гудзяць у цэнтры гораду: на вуліцы Леніна, у раёне скрыжаваньня з праспэктам Незалежнасьці, у раёне Нямігі.
У Ляхавічах затрымалі некалькі чалавек
«Белсат» паведамляе пра затрыманьні ў мястэчку Ляхавічы Берасьцейскай вобласьці. Затрымалі трох мужчынаў — Анатоля Куліка, Генадзя Вішнеўскага і Вадзіма Булатага. Анатоль Кулік ня так даўно перанёс інсульт. Генадзь Вішнеўскі — пэнсіянэр.
Прапагандыст СТВ падышоў да Ніны Багінскай і Яна Грыба
Прапагандыст Сталічнага тэлебачаньня Рыгор Азаронак падышоў зь мікрафонам да вядомых менскіх актывістаў Ніны Багінскай і Яна Грыба і запісвае на тэлефон відэа таго, што яму кажуць.
На будынку КДБ часткова закрылі жалюзі
На будынку КДБ часткова закрылі жалюзі на першым паверсе, якія ўсталявалі акурат перад Днём Волі.
У горадзе шмат аўтазакаў і аўтобусаў сілавікоў
Плошча Мясьнікова ў Менску, гэта толькі частка тэхнікі, якая бачная:
Аўтобусы сілавікоў на вуліцы Валадарскага:
На Кастрычніцкай пллошчы Менску зьбіраюцца людзі
На Кастрычніцкай плошчы паціху зьбіраюцца людзі.
Менчукі выпускаюць з дамоў белыя і чырвоныя балёнікі
У менскім ЦУМе затрымалі хлопца
Стэла амаль вольная, але за стэлай стаяць грузавікі з вайскоўцамі
У Менску затрымалі ўжо больш за 20 чалавек
Валянтэры @spiski_okrestina на 18.00 сабралі прозьвішчы ўжо 21 затрыманага сёньня ў Менску. Сьпіс тут.
Ля Акадэміі Навук — сілавікі і аўтазакі
Адзіночны пікет ля Горадні спынілі сілавікі
Затрыманага журналіста Андрэя Пачобута перавезьлі ў Менск
Падчас інтэрвію Ніны Багінскай затрымалі дзяўчыну, гэта трапіла на відэа
Сьвяточнае шэсьце ў Баранавічах
У Менску затрымалі дзяўчыну ў бела-чырвонай вопратцы
У раёне кінатэатра «Кастрычнік» затрымалі дзяўчыну, якая была ў вопратцы белага і чырвонага колераў, паведаміў Tut.by з спасылкай на відавочцаў.