Пэрформанс з такім заклікам правялі жыхары мікрараёну і выклалі фота ў сацсеткі.
Сярод патрабаваньняў, якія, на іх думку, мусіць агучыць беларускім уладам Yara :
- свабоду ўсім палітвязьням
- сумленныя выбары
- расьсьледаваньне і пакараньне вінаватых у рэпрэсіях.
У гэтым месяцы Сьвятлана Ціханоўская пагутарыла па тэлефоне з гендырэктарам кампаніі Yara International, якая купляе беларускія калійныя ўгнаеньні. «Ціханоўская заклікала нарвэскую кампанію аказаць ціск на кіраўніцтва „Беларуськалію“, а таксама зрабіць канкрэтныя і адчувальныя крокі для таго, каб спыніць рэпрэсіі супраць сяброў страйкаму прадпрыемства», — гаворыцца ў паведамленьні прэс-службы Ціханоўскай.
Больш за 53 тысячы чалавек падпісалі пэтыцыю, у якой заклікалі кіраўніцтва Yara International прыпыніць супрацоўніцтва зь «Беларуськаліем», які, як сьцьвярджаецца ў пэтыцыі, зьяўляецца адной з асноўных крыніц фінансаваньня сілавікоў, адказных за перасьлед дзясяткаў тысяч беларусаў.
