Гэтыя пытаньні ў «Праскім акцэнце» абмяркоўваюць рэдактарка «Беларускага партызана», былая намесьніца старшыні БАЖ Сьвятлана Калінкіна і кіраўнік праваабарончай арганізацыі «Беларускі Хэльсынскі камітэт» Алег Гулак.
Калінкіна
- Беларускія ўлады прытрымліваюцца свайго падыходу, паводле якога прычынай пратэстаў былі ня іх дзеяньні, а пратэсты былі інсьпіраваныя з Захаду
- Гэта дэманстрацыя Захаду: калі вы будзеце ўзмацняць санкцыі, то ў нас тут ёсьць закладнікі, вашыя партнэры з грамадзкіх арганізацыяў
- І сытуацыя з правамі чалавека не палепшыцца, а наадварот, пагоршыцца
- Клясычная сытуацыя з закладнікамі: адны сядзяць у турме, іншыя — у падвешаным стане
- Гэта робіцца напярэдадні прыняцьця рашэньне аб чацьвёртым пакеце санкцыяў Эўразьвязу
- Гайдукевіч і Савіных, прапаноўваючы закон аб замежных агентах, вылузваюцца са скуры, каб дапамагчы дзейнай уладзе нэўтралізаваць ворагаў
- У гэтай барацьбе з замежным фінансаваньнем пацярпелі арганізацыі, бясконца далёкія ад якой бы там ні было палітыкі — дабрачынная арганізацыя Caritas, праект «Імёны». Гэта праграмы дапамогі бедным людзям, дзецям, інвалідам
- Замежнай дапамогай шырока карыстаюцца дзяржаўныя структуры, той жа БРСМ — яны таксама акажуцца замежнымі агентамі?
- Складана сказаць, які выбар зробіць Эўразьвяз
- Некаторыя краіны прынцыпова не вядуць перамоваў з тымі, хто бярэ закладнікаў, іншыя — вядуць такія перамовы, каб уратаваць людзей
- Наш рэжым дэманструе людажэрскія якасьці — мы зробім горш сваім людзям і тым самым адкажам вам
- Тое, што адбываецца зараз, цалкам адпавядае пагрозам Макея наконт мераў у адказ на санкцыі
- Пасьля 2010 году таксама быў дзікунскі адказ, калі ў адказ на візавыя санкцыі адносна прадстаўнікоў афіцыйнага Менску ўводзілі забарону на выезд для прадстаўнікоў недзяржаўных арганізацыяў
- У Расеі адбываюцца пратэсты, а ў нас адбылося народнае паўстаньне
- Сёньня стала вядома, што 700 тысячаў дробных прадпрымальнікаў паставілі на мяжу чарговага пратэсту, калі будуць прынятыя прапановы Камітэту дзяржаўнага кантролю
- Улада не супакойвае сытуацыю, а нібыта знарок яе абвастрае, спараджае абурэньне ў вялікай колькасьці людзей
Гулак
- Дакладна па тым жа абвінавачаньні арыштаваны Андрэй Аляксандраў — за выплаты пацярпелым
- Гэта лёгіка сілавікоў — калі ты дапамагаеш тым, каго яны лічаць ворагамі, то ты робісься таксама іх ворагам
- Гэта таксама падрыхтоўка да вясны, яны і раней казалі, што «вайна яшчэ наперадзе»
- Наступным крокам можа стаць перасьлед тых, хто аказвае юрыдычную дапамогу пацярпелым
- У нас даўно атрыманьне замежнага фінансаваньня рэгулюецца нашмат больш жорстка, чым у Расеі
- Задоўга да таго, як у РФ увялі закон аб замежных агентах, у нас была крымінальная адказнасьць за атрыманьне замежнай дапамогі без дазволу
- Цяпер беларускія ўлады дайшлі да больш жорсткіх адказаў на санкцыі, якія слабейшыя, чым яны былі пасьля 2010 году
- Цяпер можна гаварыць пра барацьбу не з апазыцыяй, а зь велізарнай часткай народу
- Гэтае «дзікае паляваньне» скончыцца раней ці пазьней
- У людзей улады, якія гэта ініцыююць, павінна зьявіцца ўсьведамленьне, што робяць горш самім сабе
- Мы вымушаныя рабіць тое, што мы можам і што мы павінны рабіць
