Мужчына ў шчыльным кантакце з адвакатам і сяброўкамі дачок дбае пра тое, каб у Марыі ў турме было ўсё неабходнае: ад ежы да яе фірмовай чырвонай памады.
Кожны ліст ці паштоўка ад Машы — сьвята для Аляксандра Паўлавіча, ён носіць іх з сабой у тэчцы. Кажа, што Марыя таксама вельмі акуратна ставіцца да перапіскі: падчас нядаўняга пераезду з жодзінскай турмы № 8 у СІЗА-1 Менску ўзяла з сабой увесь архіў перапіскі, ахвяраваўшы тэлевізарам.
Аляксандар Калесьнікаў расказаў, што цяпер, калі Марыя ў зьняволеньні, на міжнароднай арэне яе прадстаўляе малодшая дачка — Тацяна. Марыя перадала ёй права весьці сацыяльныя сеткі, атрымліваць узнагароды і выступаць ад свайго імя.
