Каардынацыйная рада прэзэнтавала «асноўныя напрамкі эканамічнага разьвіцьця Беларусі». Аўтары праграмы перакананыя, што Беларусь мае ўсе магчымасьці для пераходу на новы этап эканамічнага разьвіцьця і значнага павелічэньня якасьці жыцьця людзей.
Больш за 13 тысяч беларусаў выехалі ва Ўкраіну, Польшчу, Літву і Латвію, паведаміў кіраўнік дэпартамэнту грамадзянства і міграцыі МУС Беларусі Аляксей Бягун.
Экс-кандыдатка ў прэзыдэнты Беларусі Сьвятлана Ціханоўская паабяцала даць гарантыі тым, хто падтрымае страйк у выпадку невыкананьня «народнага ўльтыматуму», паведамляе яе тэлеграм-канал.
32-гадовы судзьдзя Аляксей Пацко зь Пінску вырашыў пакінуць пасаду. Прычынай сталі жнівеньскія падзеі ў краіне.
Дзесяць праваабарончых арганізацый зрабілі сумесную заяву, у якой прызналі палітвязьнямі яшчэ 9 удзельнікаў пратэстаў. Пратэстоўцаў узялі пад варту і абвінавацілі паводле крымінальных артыкулаў «Масавыя беспарадкі» (№ 293) і «Групавыя дзеяньні, якія груба парушаюць грамадзкі парадак» (№ 342). Цяпер у сьпісе палітвязьняў 102 чалавекі.
З 22 кастрычніка іншаземцы змогуць праехаць транзытам церазь Беларусь без даведкі пра адсутнасьць COVID-19 і без 10-дзённай самаізаляцыі, паведаміў Дзяржаўны памежны камітэт.
