Трэнэр Аляксандар Румо, які да 23 верасьня ўзначальваў юнацкую (U-17) зборную Беларусі па хакеі, сказаў, што падаў у адстаўку з прычыны разыходжаньня палітычных поглядаў.
«Каб працаваць з хакейнай зборнай, трэнэр павінен падтрымліваць уладу. Я не падтрымліваю, пазыцыю сваю не хаваю», — дадаў ён.
Румо спаслаўся на размову са старшынём фэдэрацыі хакея Дзьмітрыем Баскавым, падчас якой былому ўжо трэнэру патлумачылі пазыцыю ФХБ: каб працаваць са зборнай камандай, трэнер павінен падтрымліваць дзейную ўладу.
У жніўні Аляксандар Румо асудзіў дзеяньні сілавікоў і падпісаў ліст спартоўцаў супраць гвалту і фальсыфікацыі выбараў.
