«Мы ўпэўнены, беларускае грамадзтва гатовае самастойна вырашаць будучыню сваёй краіны, і спадзяёмся на ваша садзейнічаньне ў ініцыяваньні перамоўнага працэсу паміж Каардынацыйнай радай і прадстаўнікамі дзейнай улады. Толькі мірныя перамовы змогуць вярнуць краіну ў рэчышча законнасьці і прыхільнасьці гуманістычным каштоўнасьцям», – гаворыцца звароце.
Аўтары звароту пералічваюць патрабаваньні: спыненьне гвалту, вызваленьне палітвязьняў і новыя прэзыдэнцкія выбары.
Зварот адкрыты для подпісу, пад ім ужо падпісаліся пісьменьнікі Сьвятлана Алексіевіч, Альгерд Бахарэвіч, Юлія Цімафеева, Дзьмітры Строцаў, Тацяна Нядбай, Сяргей Харэўскі, выдавец Ігар Логвінаў ды іншыя.
Беларускія навукоўцы і творцы просяць міжнародную супольнасьць дапамагчы наладзіць перамовы ў краіне
