Праграміст Уладзімер Родчанка з Горадні і яшчэ трое паплечнікаў сталі на калені на плошчы Леніна з партрэтам дзяўчынкі, якая пацярпела ў аварыі з вайсковай тэхнікай. Перад імі на гэтым жа месцы затрымалі калегу з падобным плякатам. Усіх затрымалі і пабілі.
У Горадні 11 жніўня адбылася аварыя з удзелам вайсковай машыны «Тыгр». Пацярпела 5-гадовая дзяўчынка, яна атрымала закрытую чэрапна-мазгавую траўму.
