Яе затрымалі раніцай 7 верасьня, пазьней дома ў пацярпелай прайшоў ператрус.
Жыхарка Менску Марыя моцна пацярпела падчас разгону акцыі пратэсту ўвечары 9 жніўня каля стэлы.
У тую ж ноч Марыю зьмясьцілі ў Вайсковы шпіталь, дзе яна знаходзілася да канца жніўня.
Раніцай 7 верасьня дадому да пацярпелай прыйшлі сьледчыя. Па словах яе маці, справа можа датычыць сьледзтва па факце масавых беспарадкаў.
Увечары дома ў Марыі адбыўся ператрус. Пасьля яго пацярпелую адвезьлі ў турму на Акрэсьціна. Адвакат, які прысутнічаў падчас ператрусу, камэнтаваць сытуацыю пакуль ня можа.
