Рабочыя менскіх заводаў, якія ўдзельнічаюць у забастоўцы супраць фальсыфікацыі вынікаў прэзыдэнцкіх выбараў і гвалту сілавікоў, прыйшлі да будынка «Белтэлерадыёкампаніі» на вуліцы Макаёнка падтрымаць журналістаў, якія бастуюць.
Іх сустракалі аплядысмэнтамі і воклічамі «Завадчане, малайцы!». Супрацоўніца «Белтэлерадыёкампаніі» паведаміла, што да забастоўкі далучылася каля 300 супрацоўнікаў, якія ня хочуць звальняцца, а жадаюць працаваць па прафэсіі, даючы аб’ектыўную інфармацыю. Яны патрабуюць ад старшыні НДТРК Івана Эйсманта выйсьці да людзей.
У шэсьці па горадзе ўдзельнічала каля 10 тысяч чалавек, цяпер колькасьць людзей каля будынка НДТРК ацаніць складана.
