Вядоўца СТВ Антон Мартыненка выказаўся ў сваім інстаграме наконт затрыманьняў кліентаў крамы Symbal.by.
Мартыненка напісаў, што набыў сваю вышыванку да таго, калі за гэта пачалі біць і затрымоўваць. Вядоўца прызнаўся, што падарыў іншую такую вышыванку байцу Конару Макгрэгару, «які бʼецца толькі на рынгу і толькі з тымі, хто роўны яму па сіле».
Што адбылося?
Увечары 23 чэрвеня пасьля паведамленьня пра закрыцьцё крамы Symbal.by каля яе ўтварылася чарга з 50 пакупнікоў. Неўзабаве да чаргі падʼехаў аўтазак і міліцыянты пачалі затрымліваць людзей. Сузаснавальнік крамы Мікіта Броўка паведаміў Свабодзе пра затрыманьне 20 чалавек.
Бізнэсовец Павал Белавус абвясьціў пра закрыцьцё офлайн-крамы Symbal.by з 29 чэрвеня. Раней прыпыніла сваю працу онлайн-крама.Паводле Белавуса, праверкі супраць крамы не спыняюцца, іх робіцца толькі больш.
