У Менску прайшоў пікет за Лукашэнку з удзелам кіраўніцтва БРСМ і ФПБ. ФОТА

У Менску на праспэкце Незалежнасьці, каля гандлёвага цэнтру Dana Mall, зьявіўся першы пікет па зборы подпісаў за Аляксандра Лукашэнку.

Да пунктаў збору ў 16.20 у адзін момант выстраіліся чэргі. Прысутнічала шмат моладзі ў цішотках БРСМ.

Подпісы зьбіралі пад сьцягамі БРСМ, «Белай Русі» і Фэдэрацыі прафсаюзаў.
Сярод прысутных быў заўважаны першы сакратар менскага гаркаму БРСМ Сяргей Клішэвіч, старшыня БРСМ Дзьмітры Варанюк і кіраўнік ініцыятыўнай групы Лукашэнкі Міхаіл Орда.

У 19.00 пляцоўка збору подпісаў апусьцела.