Колькі кандыдатаў рэгістравалі, а колькім адмаўлялі на выбарах 1994–2020 гадоў
Да збору подпісаў за рэгістацыю кандыдатам у прэзыдэнты сёлета дапусьцілі 15 ініцыятыўных групаў, але толькі 7 зь іх пасьля заканчэньня збору подпісаў прэтэндавалі на рэгістрацыю. Зарэгістравалі пяць кандыдатаў.
Нават на першых прэзыдэнцкіх выбарах у 1994 годзе — адзіных, якія краіны Эўразьвязу і Злучаныя Штаты прызналі дэмакратычнымі — былі прэтэндэнты, чые ініцыятыўныя групы не зарэгістравалі. Тады зарэгістравалі 19 ініцыятыўных групаў, але ў выніку толькі 6 групам удалося сабраць 100 тысяч подпісаў. На наступных выбарах лічбы былі такія:
Расклад выступаў кандыдатаў у прэзыдэнты па радыё і ТВ. Усіх, акрамя Лукашэнкі, які адмовіўся
Зарэгістраваным кандыдатам у прэзыдэнты дадуць магчымасьць двойчы выступіць у паўгадзінным вечаровым эфіры дзяржаўнага тэлеканалу «Беларусь 1» (усе кандыдаты будуць выступаць увечары 21 і 28 ліпеня) і двойчы па паўгадзіны — у эфіры першага каналу Беларускага радыё.
- Андрэй Дзьмітрыеў зможа выступіць на радыё 20 ліпеня з 8:30 да 9:00 і 29 ліпеня з 8:00 да 8:30; на «Беларусь 1» — 21 ліпеня з 18:30 да 19:00 і 28 ліпеня з 17.30 да 18:00.
- Ганна Канапацкая: на радыё — 22 ліпеня з 8:00 да 8:30, 27 ліпеня з 8:00 да 8:30; на «Беларусь 1» — 21 ліпеня з 17.30 да 18:00 і 28 ліпеня з 18:30 да 19:00.
- Сьвятлана Ціханоўская: на радыё — 20 ліпеня з 8:00 да 8:30, 29 ліпеня з 8:30 да 9:00; на «Беларусь 1» — 21 ліпеня з 17:00 да 17:30 і 28 ліпеня з 18:00 да 18:30.
- Сяргей Чэрачань: на радыё — 22 ліпеня з 8:30 да 9:00, 27 ліпеня з 8:30 да 9:00; на «Беларусь 1» — 21 ліпеня з 18:00 да 18.30, 28 ліпеня з 17:00 да 17:30.
Аляксандар Лукашэнка, як і ў часе ранейшых кампаній, адмовіўся ад выступаў па радыё і тэлевізіі.
30 ліпеня адбудуцца тэледэбаты кандыдатаў. Раней Лукашэнка адмаўляўся і ад тэледэбатаў з канкурэнтамі.
Штаб Віктара Бабарыкі — пра яго нерэгістрацыю кандыдатам у прэзыдэнты. ВІДЭА
Штаб Віктара Бабарыкі 14 ліпеня правёў прэс-канфэрэнцыю пасьля нерэгістрацыі былога банкіра кандыдатам у прэзыдэнты. Свабода вядзе стрым са штаба. Цалкам чытайце па спасылцы.
Алег Гайдукевіч стаў даверанай асобай Лукашэнкі, на карысьць якога зьняўся з выбараў
Дэпутат Палаты прадстаўнікоў і старшыня Лібэральна-дэмакратычнай партыі Беларусі Алег Гайдукевіч сказаў Tut.by, што «вяртаецца на выбары» — стане даверанай асобай кандыдата Аляксандра Лукашэнкі, дзейнага кіраўніка дзяржавы.
Паводле Алега Гайдукевіча, гэта «доказ таго, што прэзыдэнт чуе розныя пункты гледжаньня, розныя погляды», бо ЛДПБ мае «сваю праграму, ідэалёгію» і «прапануе альтэрнатыву». Ён плянуе аб’ехаць вялікую колькасьць гарадоў і вёсак, праводзіць сустрэчы зь людзьмі і перадаць выказанае імі Аляксандру Лукашэнку. Далей чытайце тут.
«Выбары» без Бабарыкі: чаго чакаць ад «энтузіястаў новай хвалі»
Тое, што Віктара Бабарыку не зарэгіструюць кандыдатам у прэзыдэнты — гэта хорам прагназавалі як палітычныя аглядальнікі, так і тыя, хто проста ўважліва сочыць за беларускай уладай ад 1994 году. Надта моцны трапіўся Лукашэнку канкурэнт упершыню за шмат гадоў. А ўсё таму, што выбарцы зьмяніліся, разважае журналіст і блогер Севярын Квяткоўскі. Чытайце па спасылцы.
Вярхоўны прадстаўнік Эўразьвязу скрытыкаваў нерэгістрацыю Бабарыкі і Цапкалы
Вярхоўны прадстаўнік Эўразьвязу ў замежных справах і палітыцы бясьпекі Жузэп Барэль выступіў з заявай з нагоды нерэгістрацыі Віктара Бабарыкі і Валера Цапкалы кандыдатамі на прэзыдэнцкіх выбарах у Беларусі.
«Недахоп празрыстасьці ў працэсе вэрыфікацыі подпісаў у падтрымку кандыдатаў у прэзыдэнты, які ўжо зазначала Бюро дэмакратычных інстытутаў і правоў чалавека Арганізацыі бясьпекі і супрацоўніцтва ў Эўропе (АБСЭ/БДІПЧ) у 2010 і 2015 годзе, падрывае ўпэўненасьць у працэсе рэгістрацыі, — гаворыцца ў заяве. — Больш за тое, юрыдычныя нормы для рэгістрацыі кандыдатаў ствараюць непрапарцыйныя і неабгрунтаваныя бар’еры для кандыдацтва, насуперак абавязаньням у рамках АБСЭ і іншым міжнародным стандартам». Цалкам чытайце тут.
«Мы ня маем ніякай ілюзіі». Цапкала расказаў, што ягоная каманда будзе рабіць далей
Валер Цапкала, якому Цэнтравыбаркам адмовіў у рэгістрацыі кандыдатам у прэзыдэнты, запісаў відэазварот. Ён заявіў, што факты парушэньняў улады і сьпіс датычных да фальсыфікацыі выбараў перададуць у міжнародныя структуры і апублікуюць.
«Мы перадамо гэтыя высновы разам зь сьпісам тых людзей, якія бралі ўдзел у фальсыфікацыі выбараў. Мы перадамо і ў міжнародныя суды, і ў міжнародныя арганізацыі. Іх імёны будуць абавязкова апублікаваныя на розных парталах для таго, каб і яны самі, і іхныя дзеці, і іх унукі змаглі бачыць і «ганарыцца» тымі людзьмі, якія ўдзельнічалі ў фальсыфікацыі волевыяўленьня беларускіх грамадзянаў», — сказаў Цапкала. Цалкам чытайце па спасылцы.
«Нам трэба мільён скаргаў». Штаб Бабарыкі падрыхтаваў скаргу на нерэгістрацыю Бабарыкі і Цалкалы, заклікаў беларусаў падаваць яе ў ЦВК
У штабе экс-старшыні «Белгазпрамбанку» Віктара Бабарыкі заявілі, што падрыхтавалі скаргу на парушэньне заканадаўства Рэспублікі Беларусь аб выбарах і ўжо падалі яе ў ЦВК. У скарзе патрабуюць:
- адмяніць рашэньне ЦВК і зарэгістраваць Віктара Бабарыку і Валера Цапкалу кандыдатамі ў прэзыдэнты Беларусі,
- зьмяніць меру стрыманьня Віктару і Эдуарду Бабарыкам, Сяргею Ціханоўскаму і іншым палітвязьням.
У штабе зьвярнуліся да ўсіх неабыякавых грамадзян Беларусі з заклікам спампаваць гэтую скаргу на сайце штабу Віктара Бабарыкі, раздрукаваць і таксама падаць яе ў ЦВК. Скаргу можна падаць асабіста або даслаць па пошце на адрас ЦВК: Менск, вул. Савецкая, 11, 220010. «Нам патрэбныя сумленныя выбары і нам патрэбен мільён скаргаў», — заявілі ў штабе.
Эўрадэпутат: «Дзеяньні рэжыму Лукашэнкі будуць мець наступствы»
Эўрадэпутат, былы прэм’ер Літвы Андрус Кубілюс выказаў салідарнасьць зь беларусамі, якія хочуць пераменаў.
«Сёньняшняе рашэньне Цэнтральнай выбарчай камісіі не рэгістраваць Бабарыку і Цапкалу, вядучых кандыдатаў ад апазыцыі, скрала прэзыдэнцкія выбары ў народу Беларусі», — сказаў Андрус Кубілюс у відэазвароце, разьмешчаным у сацсетках. Цалкам чытайце тут.
Акцыі салідарнасьці ў Беларусі пасьля нерэгістрацыі кандыдатамі Бабрыкі і Цапкалы
Увечары 14 ліпеня, пасьля рэгістрацыі кандыдатаў у прэзыдэнты Беларусі, калі Віктару Бабарыку і Валеру Цапкалу адмовілі ў рэгістрацыі, людзі пачалі стыхійна выходзіць на вуліцы ў розных раёнах Менску, а таксама ў іншых гарадах і паселішчах.
Міністэрства ўнутраных спраў папярэдзіла пра недапушчальнасьць несанкцыянаваных акцый і заявіла, што «любыя правакацыі будуць спыняцца».
У Менску пасьля 19:30 перакрылі праспэкт Незалежнасьці каля Акадэміі Навук у бок цэнтру.
У Менску пачаліся затрыманьні
У Менску пачалі гвалтам затрымліваць людзей, якія выйшлі на акцыю салідарнасьці.
Журналістаў «Эўрарадыё» затрымалі наўпрост падчас стрыму.
Людзі выйшлі на акцыі салідарнасьці ў розных гарадах Беларусі
У сацыяльных сетках публікуюцца фота і відэа відавочцаў з акцый салідарнасьці ў Берасьці, Магілёве, Гомлі, Горадні, Маладэчна і іншых гарадах Беларусі.
У Горадні на Савецкай плошчы сабраліся некалькі сотняў чалавек. Некалькі маладзёнаў прыйшлі зь бел-чырвона-белымі сьцягамі. Людзі пачалі пляскюць у ладкі, некалькі разоў выгукнулі «Жыве Беларусь!». Калёнай прыехалі два дзясяткі раварыстаў. На плошчы дзяжураць тры амапаўцы ў форме, а таксама супрацоўнікі ў цывільным, паведамляе карэспандэнт БелаПАН.
Менск: Калёна ў 200 мэтраў рухаецца ад плошчы Перамогі ў бок Кастрычніцкай, у калёне некалькі соцень людзей. ДАі перакрыла праспэкт на скрыжаваньні з вуліцай Казлова.
У раёне плошчы Якуба Коласа:
У Гомлі затрымліваць удзельнікаў акцыі і журналістаў
У Гомлі на пляцоўцы каля гомельскага цырку сабраліся каля 100 чалавек. Людзі сталі ланцуг. Аўтамабілі, якія праяжджаюць па вуліцы, сыгналяць. АМАП папярэджвае, што ўдзельнікі акцыі могуць атрымаць пакараньне да 15 сутак.
Супрацоўнікі АМАП затрымалі сама меней траіх удзельнікаў акцыі. Людзей забіраюць у сіні і белы мікрааўтобусы.
Затрымалі таксама карэспандэнтаў мясцовага выданьня "Моцныя Навіны" Надзею Пужынскую і Марыну Драбышэўскую, якія вылі стрым, а таксама супрацоўніка выданьня Юрыя Глушакова.
Людзі выйшлі на вуліцу пасьля нерэгістрацыі Бабарыкі і Цапкалы. УЖЫВУЮ
На акцыі ў Пружанах таксама затрыманьні
Удзельнікі акцыі ў Пружанах:
Затрыманьні ўдзельнікаў акцыі:
Акцыя ў раёне Новай Баравой
На акцыі ў раёне Новая Баравая у Менску ланцугу салідарнасьці расьцягнуўся на З кварталы.
Хутка да ўдзельнікаў акцыі пад'ехала міліцыя і пачала папярэджваць прысутных пра незаконнасьць акцыі.
Затрыманьні ўдзельнікаў акцыі ў Менску
