Зімой Эўропе можа пагражаць другая хваля эпідэміі каранавірусу. Пра гэта выданьню Telegraph заявіў дырэктар Эўрапейскага бюро сусьветнай арганізацыі здароўя Ганс Клюге.
Паводле словаў кіраўніка эўрапейскага бюро САЗ Ганса Клюге, у момант, калі многія краіны пачынаюць аслабляць уведзеныя ў сувязі з пандэміяй абмежаваньні, варта «не сьвяткаваць», а займацца ўмацаваньнем нацыянальных сыстэм аховы здароўя. Клюге адзначыў, што і сёньня эпіцэнтар пандэміі толькі зрушыўся ў бок Расеі, Украіны і Беларусі.
Ва ўрадзе Вялікай Брытаніі ўсё падтрымліваюць ідэю зьмякчэньня карантыну і тлумачаць такую пазыцыю тым, што вірус распаўсюджваецца ўсё больш павольна.
У Гішпаніі да другой фазе зьняцьця абмежаваньняў з чатырох магчымых пераходзяць некаторыя з Канарскіх і Балеарскіх выспаў. Тут, сярод іншага, дазволяць сходы да 15 чалавек. Да першай фазы пераходзяць Гранада і Малага, а таксама Валенсія — цалкам. Мясцовым жыхарам дазволяць перасоўвацца ў межах правінцыі.
У Грэцыі 16 траўня ў сувязі са сьпёкай адчыніліся пляжы, але людзі там мусяць знаходзяцца на адлегласьці адзін ад аднаго.
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ
