Жыхар цэнтральнай правінцыі Кітаю памёр ад гемарагічнай ліхаманкі, выкліканай ортахантавірусам, які перадаецца сярод грызуноў. Пра гэта паведамляе газэта «Хуаньцю Шыбао». якая належыць кіроўнай Камуністычнай партыі Кітаю.
Інцыдэнт адбыўся 23 сакавіка ў аўтобусе, які перавозіў супрацоўнікаў харчовых прадпрыемстваў з правінцыі Юньнань ў другую паводле колькасьці насельніцтва правінцыю Шаньдун. У аднаго з пасажыраў западозрылі інфікаваньне каранавірусам. У выніку праверкі трое пасажыраў і адзін з кіроўцаў былі шпіталізаваныя з тэмпэратурай.
Адзін зь іх неўзабаве сканаў. Тэсты на каранавірус аказаліся нэгатыўныя, аднак у яго быў знойдзены ортахантавірус, — пераказвае ТАСС рэпартаж дзяржаўнага кітайскага тэлебачаньня. У паведамленьні не ўдакладняецца, ці быў знойдзены вірус у іншых дастаўленых у лякарню пасажыраў.
- Увага да інфэкцыйных захворваньняў у Кітаі падвышана пасьля ўспышкі ў краіне каранавіруснай інфэкцыі, якая прывяла да глябальнай пандэміі.
- Хантавірусы перадаюцца грызунамі і могуць выклікаць у чалавека гемарагічную ліхаманку з нырачным сындромам і лёгачны сындром.
- Спэцыфічнага лячэньня не існуе, пры цяжкіх формах хваробы лятальнасьць ад 6 да 50 працэнтаў.
- Адзначаліся выпадкі перадачы ортахантавірусаў ад чалавека да чалавека.
