Курсы асноўных крыптавалютаў цягам 8 сакавіка абваліліся на 9,5–15%. Раніцай 9 сакавіка цэны пачалі стабілізоўвацца.
За апошнія 24 гадзіны, паводле агрэгатараў курсаў, зьмены такія:
- Bitcoin: –9,43% вартасьці ў далярах, 7926 даляраў за адзінку.
- Ethereum: –10,68%, $205,74.
- XRP: –9.84%, $0.209859.
- Bitcoin Cash: –14.01%, $275.61.
- Tether: +0,2%, $1,0.
- Bitcoin SV: –13.21%, $198.62.
- Litecoin: –15.01%, $50.11.
- EOS: –13.52%, $3.12.
- Binance Coin: –12.09%, $17.14.
- Tezos: –11.80%, $2.53.
Падзеньне на ўзровень канца студзеня зьвязваюць з падзеньнем глябальных фінансавых рынкаў і абвалам цэнаў на нафту. Акрамя таго, падзеньне выкліканае і чаканьнем таго, што вылічальныя магутнасьці (якія забясьпечваюць дзейнасьць віртуальных валютаў) маюць дасягнуць новага рэкорду ў цане ў найбліжэйшы час, а старое абсталяваньне для майнінгу («здабычы» крыптавалютаў у абмен на апрацоўку транзакцыяў) мае страціць эфэктыўнасьць.
