Анкалягічная хвароба можа стаць ня толькі выпрабаваньнем, але і штуршком для пераацэнкі каштоўнасьцяў і сэнсу жыцьця. Анкалягічны дыягназ ня лічаць прысудам заснавальніца і кіраўніца цэнтру падтрымкі анкапацыэнтаў «У імя жыцьця» Ірына Жыхар (25 гадоў пасьля анкалягічнага дыягназу), псыхоляг Сьвятлана Бергер (7 гадоў пасьля анкалягічнага дыягназу) і рэклямны кансультант Юлія Ляшкевіч (19 гадоў пасьля анкалягічнага дыягназу).