Пасьля прапановы дэпутаткі Ганны Канапацкай мы запыталіся ў менчукоў, што яны думаюць пра гарантыі прэзыдэнту ў выпадку яго адстаўкі.
Дэпутатка Палаты прадстаўнікоў Ганна Канапацкая апублікавала 27 лістапада законапраект аб гарантыях былому прэзыдэнту Беларусі і чальцам яго сямʼі. Паводле праекту, былога прэзыдэнта нельга будзе асудзіць за злачынствы і правапарушэньні, учыненыя ў час прэзыдэнцтва. Ён атрымае пажыцьцёвую пэнсію і зможа карыстацца адной з рэзыдэнцый.
