Паводле дадзеных на раніцу 6 кастрычніка ўдзел у перапісе насельніцтва ў Беларусі ўзялі ўдзел больш за 505,1 тыс. чалавек.
Пра гэта паведамляецца на сайце Белстата.
Зь іх праз інтэрнэт перапісаліся 264 тыс. чалавек. \
Перапіс праводзіцца з 4 па 30 кастрычніка.
Упершыню можна прайсьці перапіс праз інтэрнэт, такая магчымасьць прадстаўлена з 4 па 18 кастрычніка на сайтах census.bel і census.by.
4 кастрычніка празь вялікую нагрузку адбыліся часовыя збоі на сайце census.by, дзе можна прайсьці працэдуру перапісу ў Інтэрнэце.
«Сайт не вытрымлівае такой нагрузкі — да 70 тысяч зваротаў у сэкунду. Тэхнічныя экспэрты адладжваюць працу сайта, пры зьніжэньні нагрузкі ўсё стабілізуецца. Але нават калі немагчыма запоўніць анкету зь першага разу, гэта можна зрабіць крыху пазьней. Такія збоі назіраліся і ў іншых краінах, дзе праводзіўся электронны перапіс», — адзначылі ў прэс-службе.
Яшчэ адзін спосаб прайсьці перапіс — трапіць на стацыянарныя перапісныя месцы з 4 па 30 кастрычніка. Іх адрасы пазначаныя на сайце Белстата.
Да тых, хто не скарыстаўся адным з гэтых мэтадаў, з 21 па 30 кастрычніка прыйдуць кніжнікі. Яны павінны мець пляншэты, адпаведны сэртыфікат і пакет з лягатыпам перапісу.
