Новы прэм’ер-міністар Украіны Аляксей Ганчарук 2 верасьня на сустрэчы з прэзыдэнтам Украіны Ўладзімірам Зяленскім, кіраўніцтвам Вярхоўнай Рады і праваахоўных органаў назваў ключавыя прыярытэты працы яго ўраду на працягу пяці наступных гадоў:
- забесьпячэньне росту эканомікі Ўкраіны на 40% на працягу найбліжэйшых 5 гадоў,паводле яго слоў, такі рост прывядзе да стварэньня ня менш за 1 мільёна новых працоўных месцаў,
- адрамантаваць 24 тысячы аўтадарог,
- забясьпечыць працу 15 аэрапортаў і 5 марскіх партоў,пакрыць усю тэрыторыю Ўкраіны хуткасным інтэрнэтам,
- запусьціць унутрыўкраінскія водныя перавозкі,
- забясьпечыць прырост нараджальнасьці (каб паказьнікі нараджальнасьці перавышалі паказьнікі сьмяротнасьці),увесьці цалкам беспапяровы дакумэнтаабарот у дзяржаўных структурах пасьля 2020 году ( «краіна цалкам павінна быць у тэлефоне»),
- пачаць продаж зямлі «арыентавана ў сярэдзіне 2020 году»,
- правесьці падатковую рэформу,
- зьнізіць тарыфы на электраэнэргію ( «Відавочна, што лічба ў жыроўках павінна быць меншаю. Мы над гэтым працуем», — заявіў Ганчарук).
Уладзімір Зяленскі, у сваю чаргу, анансаваў першую вялікую прыватызацыю ва Ўкраіне ўжо да 1 красавіка 2020 году і даручыў ураду да 1 сьнежня 2019 году прыняць законы:
- аб легалізацыі гульнявога бізнэсу,
- аб легалізацыі здабычы бурштыну,
- аб Службе фінансавых расьсьледаваньняў, якая павінна замяніць падатковую міліцыю.
Таксама Зяленскі даручыў да канца году правесьці «поўную кадравую перазагрузку» ў шасьці «найбольш карупцыйных для бізнэсу і грамадзян органах дзяржаўнай улады»:
- Дзяржаўным геакадастры,
- Дзяржаўных геанедрах,
- Дзяржаўнай архітэктурна-будаўнічай інспэкцыі,
- Дзяржаўнай экалягічнай інспэкцыі,
- Укртрансбясьпецы
- Украўтадоры.
