19 жніўня Менскі абласны суд пачынае разглядаць справу аб двайным забойстве ў стаўпецкай школе, якое здарылася 11 лютага 2019 году. Што стала прычынай забойства?
Хто загінуў ад нажа забойцы ў Стаўпецкай школе № 2 паўгода таму, хто забойца, было вядома адразу — чаму яны загінулі, суд пачне высьвятляць у панядзелак, 19 жніўня. Журналіст Свабоды Дзьмітры Гурневіч шукаў свой адказ — але чаму для гэтага яму спатрэбілася ўся гісторыя Стоўпцаў і кніга Ганны Арэнт «Банальнасьць зла»?
З новай кнігай Бібліятэкі Свабоды знаёміць Аляксандар Лукашук.
