Аляксандар Лукашэнка адказаў на крытыку, зьмешчаную ў інтэрнэце.
Што адбылося?
- Лукашэнка 23 ліпеня загадаў сабраць 9,5 мільёна тон зерня, у тым ліку рапсу, кукурузы на зерне, каласавых, грэчкі і проса.
- Тэлеграм-канал «Беларусь головного мозга» згадаў, што раней, 5 ліпеня, Міністэрства сельскай гаспадаркі спрагназавала валавы збор зерневых сёлета больш за 7,6 мільёна тон. Таксама пра гэта напісаў партал Naviny.by.
Як адказаў Лукашэнка?
Паводле БелТА, 29 ліпеня Лукашэнка заявіў:
«Я чытаю агляды з інтэрнэту: як заўжды, у нас ёсьць „разумныя“. Яны нават паддалі крытыцы мае словы аб тым, што мы павінны імкнуцца да 9,5 мільёна тон зерня, ніжэй за 9 нельга».
Пасьля Лукашэнка патлумачыў, як налічыў больш за 9 мільёнаў тон:
- 7 мільёнаў тон зерневых каласавых;
- + 1,7 мільёна тон кукурузы на зерне;
- + 700 тон рапсу;
- + 300–400 тысяч тон іншых культур.
