Па ўсёй краіне на панядзелак 22 ліпеня абвешчаны памаранчавы ўзровень небясьпекі. «22 ліпеня (панядзелак) ноччу па заходняй палове рэспублікі, раніцай і днём на большай частцы тэрыторыі чакаюцца навальніцы, — гаворыцца ў паведамленьні „Белгідрамету“. — Месцамі моцныя ліўні. Пры навальніцах месцамі шквалістае ўзмацненьне ветру парывамі да 15-20 м/с. У Менску раніцай і днём навальніца, месцамі па горадзе моцныя ліўні».
Тэмпература паветра пры гэтым будзе вагацца ад +20 да +25, у залежнасьці ад рэгіёну краіны. У наступныя дні, паводле прагнозаў сыноптыкаў, надвор’е ў Беларусі палепшыцца. Чакаецца пацяпленьне і адсутнасьць моцных ападкаў.
