На аднаго беларускага мужчыну ў сярэднім прыпадае 18 літраў чыстага сьпірту — гэта 90 паўлітровых пляшак гарэлкі на год. Жанчыны ў Беларусі спажываюць 5,5 літра сьпірту — гэта 27,5 бутэлькі гарэлкі на год.
Агулам жа сярэдняе спажываньне сьпірту ў Беларусі зьменшылася — 11,2 літра на кожнага жыхара ад 15 гадоў і старэйшых. Больш за ўсё ў Беларусі п’юць гарэлку (49%), 26% — мацаванае віно.
Паводле ацэнак Усясьветнай арганізацыі аховы здароўя, штогод у Беларусі ад алькаголю памірае каля 20 тысячаў чалавек, або каля 50 чалавек на дзень.
