Каля Белавескай пушчы ў вёсках Арабнікі, Жадзены, Парасьляны Пружанскага раёну са слупоў паскідалі бусьлянкі і паўтыкалі на іх месца мэталічныя штыры. Электрыкі лічаць: калі гнёзды буслоў побач з дратамі, можа здарыцца кароткае замыканьне ці пашкоджаньне дратоў. Эколягі ж кажуць, што гэта ня мае сэнсу: буслы, якія нарадзіліся на слупах, зноў вяртаюцца на наступны год на тое ж месца. Да таго ж птушкі могуць параніць ці праткнуць крылы штырамі. Эколягі прапануюць два выйсьці:
- Ставіць дадатковыя слупы для гнездаваньня птушак
- Паднімаць на слупы адмысловыя экалягічныя плятформы.
