Знакамітым амэрыканскі палітоляг, аўтар тэорыі «канца гісторыі, у інтэрвію Радыё Свабода распавёў пра сваю новую кнігу «Ідэнтычнасьць: Попыт на годнасьць і палітыка крыўды», якая выйшла ў сьвет у верасьні 2018 году.
Аўтар інтэрвію Аляксей Знаткевіч гутарыць зь Юрыем Дракахрустам пра сучасны сьвет у люстэрку поглядаў Фукуямы.
Сьцісла пра гутарку:
- Ці прызнае Фукуяма, што ў 1989 годзе ён са сваім прагнозам наконт канца гісторыі крыху пагарачыўся? А можа прагноз насамрэч спраўдзіўся?
- Спрэчкі пра ідэнтычнасьць, якім прысьвечаная апошняя кніга Фукуямы – адвечныя ў Беларусі. Чый бок ён займае ў гэтых беларускіх спрэчках?
- Мова – аснова нацыі? Ён згодны?
- Нядаўна шэраг выбітных інтэлектуалаў сьвету, у тым ліку і Сьвятлана Алексіевіч, падпісалі супольны зварот у абарону лібэральных каштоўнасьцяў і супраць нацыяналізму. Фукуяма падпісаў бы яго?
- У інтэрвію Свабодзе Фукуяма сказаў, што ў нечым згодны з Лукашэнкам. А ў чым?
