У сур'ёзнай навуцы „трыадзіны рускі корань“ і асаблівая ўсходнеславянская блізкасьць — зусім не аксіёма. Ёсьць абгрунтаваныя погляды, якія ня бачаць сьведчаньняў існаваньня агульнаўсходнеславянскай мовы.
Беларуская мова мае нямала старажытных рысаў, якія інакш збліжаюць яе з астатнімі славянскімі. Напрыклад, украінскі этымоляг Анатоль Непакупны вылучае паўночнаславянскія мовы — гэта беларуская, польская і ўкраінская, якія маюць шмат супольных слоўных рысаў з балцкімі мовамі, адрозна ад іншых славянскіх.