Вайскоўцы-кантрактнікі 8-й брыгады вайсковай часткі 29969 (супрацьпаветраныя войскі), якая месьціцца ў Баранавічах, гандлявалі зброяй. Гэта выявіў камандзір часткі. Заведзена крымінальная справа.
24-гадовы прапаршчык Дзьмітры К., які служыў у роце матэрыяльна-тэхнічнага забесьпячэньня на пасадзе загадчыка збройнага складу часткі, прыблізна ад мінулай восені выносіў са складу, а потым прадаваў ці часам нават дарыў зброю. Ніякай інвэнтарызацыі за гэты час не праводзілася, нават пры тым, што зьмяніўся камандзір, — а гэта абавязкова працэдура пасьля зьмены камандаваньня.
Вядома, што ў ходзе сьледзтва Дзьмітры К. даў паказаньні на яшчэ двух чалавек: другога прапаршчыка і высокапастаўленага супрацоўніка Баранавіцкага райаддзелу ўнутраных спраў. Як піша «Наша Ніва», усе трое цяпер затрыманыя, але частку зброі пакуль не знайшлі.
