Суд у Нью-Ёрку забараніў прэзыдэнту ЗША Дональду Трампу блякаваць карыстальнікаў у сваім твітэры. Судзьдзя Наомі Баквалд ўстала на бок семярых чалавек, якіх кіраўнік Белага дома ўнёс у чорны сьпіс за крытычныя камэнтары. Трампу загадалі вярнуць заблякаваным карыстальнікам доступ да камэнтароў.
Карыстальнікі падалі пазоў у ліпені мінулага году пры падтрымцы праваабарончай арганізацыі Knight First Amendment Institute. Паводле іх, блякаваньне ў твітэры прэзыдэнта пярэчыць Першай папраўцы да Канстытуцыі ЗША — праву на свабоду слова і на выказваньне пратэсту.
У пазове адзначалася, што мікраблог Трампа — гэта пляцоўка для грамадзкіх спрэчак і дыскусій, паколькі палітык робіць там палітычныя заявы. Выбарачная блякіроўка карыстальнікаў за іх погляды сьведчыць аб здушэньні іншадумства, сьцьвярджаюць пазоўнікі.
