Паведамленьне ад Міністэрства ананімнае, акрамя адрасу электроннай пошты, ня мае ніякіх кантактных зьвестак.
На сайце zvarot.by быў аб’яўлены збор подпісаў за адстаўку міністра абароны Беларусі генэрал-лейтэнанта Андрэя Раўкова ў сувязі са сьмерцю ў Печах салдата Аляксандра Коржыча. Пад ім было сабрана некалькі тысяч подпісаў.
Паводле міністэрства, у зваротах пазначаныя няісныя адрасы электроннай пошты, імёны, прозьвішчы і хатнія адрасы. Таксама сьцьвярджаецца, што ў Міністэрства абароны прыйшло шмат лістоў з аднаго электроннага адрасу, на што міністэрства паскардзіліся ў глябальны сэрвіс барацьбы з спамам SpamCop.
Сайт zvarot.by на момант публікацыі дагэтуль недаступны. Увечары 14 кастрычніка на сайце petitons.by была створана яшчэ адна пэтыцыя супраць дзедаўшчыны. На момант публікацыі яе падпісалі 1286 разоў.
