80 гадоў таму былі расстраляныя больш за сто прадстаўнікоў беларускай інтэлектуальнай эліты. Як зьмяніла краіну і людзей «чорная ноч»? Што павінна адбыцца, каб трагедыя не паўтарылася – пакаяньне ці пакараньне? Чаму варта правесьці «ноч паэтаў» у Курапатах? Абмяркоўваюць у Зоне Свабоды дырэктар беларускай Свабоды, дасьледчык гісторыі рэпрэсій Аляксандар Лукашук, пісьменьнік і гісторык Сяргей Абламейка, складальнік «Картатэкі Сталіна», пісьменьнік Сяргей Дубавец і вядучая Ганна Соўсь.