Маці і нявеста Івана Барбашынскага чакаюць пачатку паседжаньня ў калідоры суду. Хутка Іван мусіць выступіць з апошнім словам.
Маці спадзяецца на апраўданьне Івана
Маці Барбашынскіх Галіна Паўлаўна зазначыла Свабодзе:
«Мы вельмі спадзяемся на апраўдальны вырак, але будзем шчасьлівыя, калі Іван апынецца дома, няхай і з умоўным тэрмінам».
Прывезьлі падсуднага
Івана Барбашынскага прывезьлі ў суд у аўтазаку.
Паседжаньне пачалося.
Падсудны: Мы з братам невінаватыя
Іван Барбашынскі выступіў з кароткім апошнім словам:
«Мы з братам не былі вінаватыя. Я не вінаваты. Спадзяюся на справядлівасьць суду».
Судзьдзя забараніла карэспандэнтам рабіць фатаздымкі.
Вырак будзе агучаны заўтра
Паседжаньне скончылася. Судзьззя Паўленка паведаміла, што абвяшчэньне выраку адбудзецца заўтра ў 14.30.
Падсудны чакаў выраку сёньня
Падсудны Іван Барбашынскі адрэагаваў на абвестку судзьдзі аб тым, што вырак будзе заўтра: «Я так чакаў, што гэта будзе сёньня!»
Сваякі падсуднага: Гэта зьдзек
Родныя Барбашынскага: «Мы не разумеем, навошта так зьдзекавацца зь людзей?»
Айчым Івана Барбашынскага паведаміў карэспандэнту Свабоды: «Калі я прыходзіў да начальніка Слуцкага РАУС, той сказаў, што я кепска выхаваў свайго сына».
Маці хоча накіраваць Івана ў шпіталь
Маці Івана Галіна Паўлаўна паведаміла Свабодзе, што па вызваленьні сына з-пад варты, якое чакаецца заўтра, павязе яго ў шпіталь.
Фотагалерэя з суду:
