Палітвязень Кондрусь рэзаў вены ў судовай залі, яму прызначылі псыхіятрычную экспэртызу. Анлайн

Сястра Кондруся бачыла ягоную кроў

Сястра Кондруся Ірына пацьвердзіла Свабодзе, што брат «нечым рэзаў вены на руцэ, і потым была кроў»:

«Бачыла паднятую руку, як нечым па ёй вадзіў, потым бачыла сьляды крыві, якую хутка падцёрлі. Яшчэ рука была вельмі бледная ў яго. Але тады гэтак яму і не надалі дапамогу мэдыкі, хаця я прасіла. Потыя яго забралі».

Суд прызначыў псыхіятрычную экспэртызу Кондруся

Суд аднавіўся на хвіліну. Судзьдзя сказала, што Кондрусь выдалены ў сувязі зь ягонымі паводзінамі. У адказ на гэта раздаліся пратэсты. Статкевіч і Севярынец уголас заявілі, што гэта судзілішча:

«Як вы можаце судзіць чалавека безь яго самога?». Пасьля гэтага суд пайшоў вырашаць, ці трэба прызначыць стацыянарную судова-псыхіятрычную экспэртызу Кондрусю. Пракурор ня супраць.

Суд вырашыў прызначыць падсуднаму стацыянарную псыхоляга-псыхіятрычную экспэртызу. Ягоныя паводзіны ў судзе суд назваў няўдалай спробай суіцыду.

Экспэртызу даручана правесьці камітэту па экспэртызах.

Суд на час экспэртызы адкладзены.

Адвакат Мушынскі: «Суд адновіцца максымум у другой палове сьнежня, бо экспэртыза комплексная, шмат часу патрабуе».

Паводле Мушынскага, канвойны сказаў яму, што з Кондрусем усё добра, ён сабе нічога не пашкодзіў. «Крыві не было. Былі драпіны, нечым ён спрабаваў падраць руку, але да крыві не дайшло».

Фотарэпартаж з суду

• АШ

На знак пратэсту Кондрусь паклаўся па надлогу «клеткі» і абяцаў так ляжаць да канца працэсу: «ня хоча ўдзельнічаць у гэтай паказусе». Каля 12-й Ўладзімер Кондрусь пачаў рэзаць сабе вены.