Генэральны дырэктар Міжнароднага агенцтва па атамнай энэргіі (МАГАТЭ) 18–20 красавіка наведае Беларусь.
Паводле інфармацыі беларускага МЗС, у праграме рабочага візыту — сустрэчы зь міністрам замежных спраў Уладзімірам Макеем і прадстаўнікамі іншых органаў дзяржкіраваньня Беларусі, удзел у адкрыцьці выставы «Атамэкспа Беларусь — 2016» у Менску, а таксама наведваньне Рэспубліканскага цэнтру кіраваньня і рэагаваньня на надзвычайныя сытуацыі і будаўнічай пляцоўкі Беларускай АЭС у Астраўцы.
