Кіраўнік МАГАТЭ наведае пляцоўку, на якой будуецца Беларуская АЭС. Інфармацыю пра гэта паведаміў прэсавы сакратар МЗС Дзьмітры Мірончык:
«Спадар Амана сустрэнецца зь міністрам замежных спраў нашай краіны Ўладзімерам Макеем, а таксама прадстаўнікамі шэрагу органаў дзяржаўнага кіраваньня. Генэральны дырэктар МАГАТЭ возьме ўдзел у афіцыйнай цырымоніі адкрыцьця восьмай міжнароднай выставы і канфэрэнцыі «Атамэкспа-Беларусь 2016».
Рэспубліка Беларусь — адна зь дзяржаў-заснавальніц МАГАТЭ і ўдзельніца ўсіх міжнародных канвэнцыяў, заключаных пад эгідай гэтай арганізацыі.
Для Генэральнага дырэктара МАГАТЭ гэта будзе ўжо другое наведваньне Астравецкай будаўнічай пляцоўкі. Ён ужо быў там у 2012 годзе.
У 2014 і 2016 гадах Міністэрства замежных спраў Беларусі накіроўвала на адрас МАГАТЭ запрашэньні даслаць у Беларусь ацэначныя місіі. Афіцыйны прадстаўнік МЗС сказаў, што экспэрты МАГАТЭ могуць наведаць Беларусь сёлета альбо на пачатку 2017 году.
