Каля двух гадоў таму ў акупаваным Крыме быў праведзены рэфэрэндум аб выхадзе з Украіны і Крым зь ініцыятывы расейскага прэзыдэнта Уладзімера Пуціна быў уключаны ў склад Расеі. Ані рэфэрэндум, ані далучэньне Крыму да Расеі ў сьвеце не былі прызнаныя (за выключэньнем некалькіх краінаў, залежных ад Расеі, напрыклад, Наўру). 15 верасьня 2015 Вярхоўная Рада Ўкраіны на прапанову ўраду пастанавіла, што датай пачатку часовай акупацыі Крыма зьяўляецца 20 лютага 2014 году.
