У Менску каля будынку КДБ на праспэкце Незалежнасьці прайшла несанкцыянаваная акцыя памяці ахвяраў сталінскіх рэпрэсіяў. У ёй бралі ўдзел каля 150 чалавек. Яны сталі каля будынку КДБ у ланцуг, які расьцягнуўся амаль на сто мэтраў. Людзі трымалі ў руках запаленыя сьвечкі, некаторыя прыйшлі з партрэтамі рэпрэсаваных сваякоў. Запаленыя зьнічкі ўдзельнікі акцыі паставілі на прыступкі каля ўваходу ў КДБ.
ФОТА: Ланцуг памяці каля будынка КДБ. 150 чалавек ушанавалі ахвяраў сталінскіх рэпрэсіяў
1
Былы палітвязень і экс-кандыдат у прэзыдэнты Мікола Статкевіч ініцыяваў акцыю каля будынку КДБ у знак памяці ахвяраў палітычных рэпрэсій.
2
Удзельнікаў прасілі прыносіць на пікет толькі сьвечкі і зьнічы.
3
У знак памяці пра ахвяраў палітычных рэпрэсій людзі паставілі сьвечкі на прыступкі будынку КДБ
4
Палітык Уладзімер Някляеў вітае ўдзельнікаў пікету.
5
Зьнічы на прыступках будынку КДБ у цэнтры Менску.
6
Міліцыянт складае пратакол на Анатоля Лябедзьку
7
Сярод пікетоўшчыкаў – праваабаронца Валер Шчукін.
8
Моладзевы актывіст Павал Вінаградаў упершыню ўдзельнічае ў вулічнай акцыі пасьля вяртаньня ў Менск з “палітычнай ссылкі” ў Бяразіно, дзе ён пражыў каля году.
9
Марына Адамовіч, Мікола Статкевіч і Ўладзімер Някляеў
10
Удзельнікі пікету сталі каля будынку КДБ у ланцуг, які расьцягнуўся амаль на сто мэтраў. Людзі трымалі ў руках запаленыя сьвечкі, некаторыя прыйшлі з партрэтамі рэпрэсаваных сваякоў.
11
Мікола Статкевіч, які заклікаў ня браць на пікет да будынку КДБ сьцягі і расьцяжкі, трымае ў руках запалены зьніч.
12
13
Улётка “Маладога фронту” – “Камунізм пад трыбунал”.
14
Уладзімер Някляеў на каленях ставіць сьвечку ў знак памяці пра ахвяраў палітычных рэпрэсіяў.
15
У ноч з 29 на 30 кастрычніка 1937 году ў турмах НКВД было расстраляна каля 100 прадстаўнікоў беларускай інтэлегенцыі.
Катэгорыі
- Мультымэдыя
- Відэа
